霍汶希女兒祝佢年生貴子　容祖兒：你話畀佢聽過咗期啦！

現年46歲的英皇高層霍汶希 (Mani) 多年來一直單身，卻於2013年的母親節當天，突然在微博上自爆自己於兩年前 (即2011年) 已誕下一名女兒，取名Honey，還post了她與囡囡的合照同大家開心share，宣布成為單親媽媽，相中的Honey眼仔碌碌加上肥嘟嘟，非常可愛。據悉Mani當年在美國秘密產女，有消息指Honey的生父是廣州富商賀丹青，Mani並未有透露女兒生父是誰，不過就坦言與對方已經分開，兩人仍保持朋友關係，有聯絡和見面。

時間一眨眼就過，昔日的得意BB女Honey如今經已7歲了，Mani日前就激罕地公開了疑似女兒的近照，並留言表示：「我的小法拉已經變長大了，變了一位美少女。」相中的女孩子的確是小美人一名，眼大大臉尖尖，擁有一副美人胚子，一班藝人同網民都留言激讚好靚女。

Mani日前更在IG上分享了女兒寫給自己的新年賀卡，佢竟然祝單身的Mani「年生貴子」，真係童言無忌。搞Mani不禁表示：「是否玩嘢？」就連容祖兒也留言說︰「你話比（畀）佢聽過左（咗）期啦﹗」相當抵死，Mani則回覆她說︰「咁我又未到更年期﹗」來反擊，非常搞笑。

不過講咗咁耐，原來合照中的那位女孩子唔係Mani囡囡，而係佢嘅姨甥女。Mani亦喺IG上出Po澄清，並表示「我姨甥女點睇都似17歲，何來七歲呢」。

Mani接受《香港01》電話訪問時表示相中呢位眼仔碌碌嘅女仔係佢嘅12歲姨甥女Crystal，竟然被傳媒誤以為係自己嘅7歲囡囡Honey，佢都表示好不解。被問到點解叫Crystal做「小法拉」，Mani解釋：「因為以前喺網絡上登過有『小側田』同『小法拉』，而『小法拉』就係佢囉！所以佢就有個搞笑嘅名叫『小法拉』喇！」12歲就已經亭亭玉立充滿氣質，Mani有冇意思上提拔姨甥女入娛樂圈？Mani即刻耍手擰頭：「暫時梗係以學業為重喇！暫時都冇諗過！」

【周五心意運動】您捐一封$50利是，已可為基層送上溫飽，01心意呼籲您支持【香港青年協會】 ，每$50即可製作5碗愛心湯和心意禮物：https://heart.hk01.com/zh/project/10095