【中華小姐2019】戴4百萬鑽飾華麗登場 苟芸慧:要問老公先知
撰文:吳子生
出版:更新:
苟芸慧(Christine)今晚(2/3)以評判身分出席在將軍澳電視城舉行的《國際中華小姐2019競選》。2009年勇奪國際中華小姐冠軍的Christine表示今次係第二次在國際大型選美會中擔任評判:「其實今晚嘅佳麗質數都好好,我自己比較鍾意啲女仔好有自信,當然最重要係對答環節及反應啦。」
Christine身黑色性感晚裝長裙,傳聞她還配戴了總值約4百萬鑽飾華麗登場:「一陣啲佳麗泳衣出場,之後就冇人睇我㗎喇。其實今晚呢條裙係我老公幫我揀嘅,加埋手上啲鑽石配搭非常之靚,手上嘅鑽戒係老公送嘅,鑽戒幾錢要問我老公先知,我哋唔好將焦點放喺呢度,哈哈,其實今晚條裙係我之前喺韓國合作嘅一個品牌,係好有韓風味道。」