【杜汶澤喱騷】阿澤回想做「茄哩啡」辛酸史:嗰陣時嘅夢想好卑微

撰文:董欣琪
出版:更新:

《杜汶澤喱騷》開播近一年,一直有一班忠實擁躉支持,當中由杜汶澤、盧覓雪和貝依霖主持的《Genius Bar》,每集都會圍繞一個主題深入探討,而最新一集三位主持人就「夢想」展開討論,阿澤更在過程中回顧入行以來的辛酸史,全靠自己努力一步一步走到現在。

新一集《Genius Bar》的主題是夢想,杜汶澤在節目中自爆入行初期的辛酸史。(影片截圖)

出身亞視的阿澤,小學和中學都就讀名校,不過因為無心向學,成為了一名裝修工人,直至1994年獲製作人蕭鍵鏗發掘,加入亞洲電視,由「茄哩啡」開始做起:「嗰陣拍《九王奪位》做太監,江華做雍正,每日四點返到去,坐到半夜兩點,之後PA走嚟同我講『今日原來冇你㗎,你收工啦。』而我戴嗰頂(太監)帽呢,喺個膠袋度未攞出嚟已經臭,嗰隻味直情似你着住對白飯魚,冇着襪,焗喺度四個月。」

阿澤當年在江華主演的劇集《九王奪位》中只是飾演一個小太監,連名都冇。(網上圖片)
他在劇中戴的帽更曾被張瑛戴過,而張瑛是粵語黑白片年代的小生,可想而知年代非常久遠。(網上圖片)

原來這頂帽早在粵語片年代已經被有「千面小生」之稱的張瑛戴過,翻查記錄顯示張瑛在1974年至1984年間在麗的及亞視拍劇,而《九王奪位》就是在1994年拍攝,可想而知這頂帽確實是歷史悠久:「我見頂帽寫住張瑛,佢投咗三次胎喇!我問『乜張瑛唔係拍電影嘅咩?』佢話『唔係,以前喺麗的做過㗎。』頂帽由張瑛戴過到而家到冇洗過!我每日放工返到屋企半夜兩三點,沖完涼一瞓低,臭醒咗我老婆!所以我嗰陣嘅夢想就係,如果我有一日拍戲有套乾净啲嘅衫着就好喇。」

阿澤曾在節目《亞視百人》中提起當年拍攝的經歷,更表示因為全心演繹獲得江華關注。(影片截圖)

雖然在《九王奪位》中只是飾演一個小角色,甚至連名字都沒有,但阿澤都盡心盡力演好,更翻看紀錄片學習太監的一舉一動:「個個同皇帝講完嘢都擰轉身就走,但我睇錄影帶原來係要褪後走。跟住江華話『我睇咗好耐,得你一個識得褪後走,你邊間茄哩啡公司嘅呢?』之後我就慢慢做上去。嗰陣時嘅夢想好卑微,有套乾净衫着,角色有個名。後尾知道江華原來年薪有兩百萬,我心諗,如果我一年搵到一百萬已經好開心。」

+2

無論角色大小,阿澤都全心全意演繹,之後更被監製冼志偉發掘,拍攝劇集《我和殭屍有個約會》打出名堂,其後轉往電影發展,並因為《無間道》中「傻強」一角而備受肯定,獲提名金像獎最佳男配角。2006年他首度擔任男主角的電影《伊莎貝拉》成為當年唯一一部入圍《柏林電影展競賽》的華語電影,阿澤更有份角逐柏林影帝。如今阿澤將創辦的網台搞得有聲有色,絕對離不開他的堅持和努力。

阿澤在《無間道》中飾演傻強,演技備受肯定。(網上圖片)
+2