【降魔的2.0】大爆C君勁驚「吊威也」 黃智雯：吊吊下就覺得好玩
撰文：吳子生
出版：更新：
黃智雯（Mandy）今日（16/3）出席在鑽石山舉行的《花花世界大派對》活動，更即席為兩名粉絲製作的頭飾花環評分，勝出者不但得到Mandy為他戴上花環，並可ＳSelfie一番，看到台下觀眾一片羨慕。Mandy表示：「自己都好鍾意一啲灰灰藍藍顏色嘅花，如果我自己喺屋企擺花嘅話，我會揀啲復古嘅花放喺屋企。」
黃智雯會等鮮花凋謝後，製成乾花做擺設。（吳子生攝）
無綫新劇《降魔的2.0》拍攝工作如火如荼，Mandy透露拍攝經已進入大直路，還有多場打鬥重頭戲要拍，又大爆C君有畏高：「有次佢要吊威也，要吊到上廠頂，個高度都有成2至3樓高，佢話：『呢鋪大獲啦，我有畏高㗎！』我唔知佢喺上面嘅時候係點呀，咁我哋咪喺下面畀啲鼓勵佢囉，其實我同佢講吊吊下就會慣。」
Mandy表示自己曾經都怕「吊威也」，不過吊過幾次後，發覺好刺激，好似坐過山車一樣咁好玩。（吳子生攝）