黃智雯爆胡定欣係P圖專家:佢執完啲相唔知點解靚咗

撰文:
最後更新日期:

女星們經常都會在社交網站分享自己的日常點滴,幾乎每日都將自己靚到爆的靚相放上網呃吓like,究竟她們有沒有執相P圖呢?放上社交網站之前又會點樣執靚張相?現在就由幾位人氣女星親自揭露謎底喇!

佘詩曼:

阿佘說自己難免會修修圖調調色,尤其皮膚狀態不太好的時候(例如生暗瘡)。但是過度P圖的話,阿佘表示絕對不會:「我唔會整大我對眼睛或者將下巴整得好尖!我諗我個樣臉已經太深入民心,如果執太多嘅話我怕其他人會認唔到我!」可想而之,阿佘早前喺內地上咗一個落極重filter直播嘅時候有幾徬徨了!

岑麗香:

香香稱自己較喜歡光一些的感覺,所以平時會把相片調光一些,又或者配合之前相片的色調,營造一系列的感覺。

馮盈盈:

花好多心機在社交網站上的FYY說放相上網前會輕輕調一調色和光暗,再稍微執一下背景。至於用多少個app?她笑說:「有1個喇、2個喇、3個喇、有時可能會用到第4個添!」

湯洛雯:

靚湯表示每個人都不是極之完美,所以自己當然亦需要執下相,靚啲人都會開心啲!

黃智雯:

Mandy說一張相普普通通實在太平淡,所以喜歡用黑白filter令相片馬上增添味道,而且她亦很喜歡vintage和懷舊的感覺,所以會把相片調黃一些。Mandy說最厲害的P圖app叫「胡定欣」:「胡定欣係呢方面嘅專家,有時我哋啲相俾佢執完之後就會突然變得好靚!」

譚凱琪:

譚凱琪表示平時會將相片執細一點,再加條白邊,另外亦會調一下光線和執走背景的穿崩位。平時最經常用什麼app?「美圖秀秀同Instasquare !」

蔡思貝:

要令大家賞心悅目,思貝坦言難免都要執一執相,把影得太暗的相片調光一些。思貝平時最愛用的P圖app就是「Snapseed」:「很好用!因為佢咩都有,張相有啲歪可以調較返水平線,調較光暗等等咩都有!」

黃翠如:

翠如稱調色和裁剪是指定動作,個人來說比較喜歡型格風的filter顏色。她透露P圖步驟有2個:「首先手機內置會輕微調一調,再用app加上我鍾意嘅filter顏色,再調一下光暗。」


【周五心意運動】您捐一封$50利是,已可為基層送上溫飽,01心意呼籲您支持【食德好】,每$50可為12個家庭提供一餐回收蔬果及食物https://heart.hk01.com/zh/project/10003



X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。