李施嬅為趕拍《法證先鋒IV》連踩33小時無瞓過 「皮膚好差又乾」
撰文：吳子生
出版：更新：
李施嬅（Selena )出席無綫綜藝節目《娛樂大家》錄影。Selena表示日前趕拍無綫新劇《法證先鋒IV》連踩33個小時無瞓過：「呢排我真係好攰，因為要趕戲，其實喺咁長拍攝時間，未到我拍嘅時候，我冇理由唔落妝㗎，咁又要化下妝又落下妝咁，我淨係留返對眼個位置唔落妝，不過都真係冇乜時間休息，呢套戲都拍咗差不多成5個月，開始睇到啲皮膚都好乾，我諗我啲皮膚之後需要更深層嘅Relax（放鬆）同保濕。」
黃智雯、李施嬅、胡蓓蔚及胡定欣今晚出席無線綜藝節目《娛樂大家》錄影。（陳順禎攝）
問她拍完劇可有放假去旅行打算？Selena笑言：「都唔知點解今年比往年工作量多咗好多，可能佢哋知我等錢使，哈哈。不過好多工作細節都仲傾緊，雖然工作多咗，但我又冇諗過加價，其實有得做就做，我都好少推（Job）唔做，我喺呢間公司都十幾年，我算係唯一至兩個人冇推嘢做嘅人，連客串嘅角色我都冇推，咁所以我都算幾乖㗎。」
李施嬅笑言拍《法證先鋒IV》連踩33個小時無瞓過，皮膚都差晒。（陳順禎攝）