回應周家怡仿製金像獎獎座風波 好友林保怡︰大家做嘢都要三思
撰文：李婉文
出版：更新：
林保怡（Bowie）昨晚以頒獎嘉賓身份出席《第二十八屆香港舞台劇獎》頒獎禮，Bowie笑言︰「好特別啊，但我好驚係咪應該要好認真咁頒呢個獎，因為我又好驚講錯嘢。」
Bowie指自己好想做一套世界巡迴演出的舞台劇，可以周圍去那種，走多一點地方，跟不同的人見面。（梁碧玲攝）
Bowie透露自己原本都做過舞台劇，跟鍾景輝（King Sir）合作，他坦言當時都好緊張︰「呢個經驗好難忘，好驚啊，個劇院又大，做咗13場。」（鍾唔鍾意做舞台劇？）「我嗰次好驚啊，一驚緊係唔鍾意啦，因為全部係古裝對白，係外國人嘅古裝對白，不過唔怕啦，我係一個好勤力嘅演員，所以OK嘅。」
Bowie笑言自己沒有問候好友家怡，自己覺得只是小事一則。（梁碧玲攝）
近來Bowie的對手兼好友周家怡有份角逐2019《香港電影金像獎》「最佳女配角」，友人為祝賀她送了她一座仿製的獎座，家怡拍照留念，但照片上載至社交平台後，惹來侵犯版權疑雲。Bowie被問及此事，他笑言︰「周家怡嘅事唔關我事。不過如果我係佢我都可能會post喎，因為太開心。但係當然啦，大家做一樣嘢都要三思。」