程瑤與「撇低」老公同Rain合照：最佳嘅結婚周年禮物

程瑤（Donna）與老公朱仲賢近日於韓國最大的展覽場館為企業舉行大型活動，更找來韓國天王Rain於活動中獻唱，吸引過千多觀眾捧場，尖叫聲四起。

Donna今次是第二度同Rain合作，她表示：「今年1月曾同Rain第一次在香港合作，過程很愉快，大家仲客氣講話希望有機會喺韓國合作，所以要喺韓國做騷嘅時候就即刻聯絡他的團隊，感謝他百忙中應承為我哋擔任表演嘉賓。」

適逢日前是Donna 與老公結婚19周年的日子，二人特別去到韓劇取景地吃飯慶祝︰「老公知我愛睇韓劇，所以book咗《來自星星的你》中南山塔高級旋轉餐廳n Grill食飯，仲特別揀咗情侶廂座，之後仲去韓星必到嘅鎖橋打卡。」

此外，Donna笑言找Rain合作是最好結婚禮物，她又大讚老公十分識做，悉心安排與對方合照：「我好鍾意Rain，本來係同老公一齊跟佢合照，不過老公讓個機會畀我同佢單獨影相，應該係我今年最佳嘅結婚周年禮物呀！」