【黃心穎許志安】事發前一齊食飯 劉浩龍：其實真係冇發現
撰文：葉詩
出版：更新：
今日（17日）動畫片《女皇哥基大冒險》舉行首映禮，劉浩龍在當中飾演奸角査理：「所以把聲要沈嘅，奸唔係話要殺人放火。因為我本來係女皇（羅蘭聲演）最愛嘅至尊狗，但歷斯出現令我失寵，於是我心生不憤想趕走佢！」
劉浩龍分享配音與拍戲都要投入角色，不同是聲線要誇張一點。（陳順禎攝）
劉浩龍又稱這次是第一次挑戰配音：「其實好恨呢個工作，細細個睇卡通片，第二日返到學校就會同同學角色扮演，用聲音重演返片段，小朋友嘅時候一直都係咁玩，經過咁多年終於有機會幫卡通片配音，非常開心。始終歌手都係用聲音去工作，其實同配音員都相近，所以希望多啲呢啲工作。」
劉浩龍稱連續錄了8小時都無問題，果然歌手有自己的一套護聲技巧。（陳順禎攝）
說到昨日（16日）令全城哄動的「安心事件」，當晚亦在飯局現場的劉浩龍被問到有沒有發現什麼端倪，他說：「其實真係冇發現，只不過有個朋友生日，一班人一齊食飯。」又左右而言他地迴避說：「我淨係發現丁子高喺隔離食咗好多嘢。」當記者再次追問，劉浩龍說：「不如唔好講呢件事！」