【只為遇見你】憑劇內地爆紅粉絲求派福利 文詠珊：送簽名相
撰文：吳子生
出版：更新：
文詠珊（Janice Man）為響應環保行動，今日（14/5）親臨海洋公園出席「不要膠下去」環保宣傳活動，向大眾宣傳推動環保訊息。Janice Man表示自己在日常生活及工作的時候，都會自備餐具：「唔會用一次性嘅筷子，發泡膠飯盒等，因為我哋經常要拍戲喺片場，一日三餐都會叫外賣，我就會喺落單嗰時標注唔用餐具，盡量減少製造垃圾，為環保出一分力。」
Janice Man透露婚禮仍籌備當中，兄弟姊妹團名單都是圈外人。（陳順禎攝）
提到憑內地劇集《只為遇見你》而人氣急升，Janice Man的微博關注人數一夜突破6百萬。為了答謝粉絲們的支持，她自拍了9張大頭照上載到微博，有網民要求她派福利：「其實我都有同啲粉絲互動，都有私底下送啲簽名相，答謝佢哋嘅支持。呢排我都會喺香港，早前因為喺內地拍劇，所以喺內地嘅時間會比較長，變咗香港啲觀眾會少見咗我。」