【任噏亂評】次圈49位佳麗出現三甲份子 三個都有一個共通點

撰文:黃梓恒
出版:更新:

2019年度香港小姐競選今日進行第二輪面試,如果第一輪139位參賽者係「各有特色」,今次減到49位總算叫做「正正常常」,不如先睇睇有邊49位入咗圍先喇!

大熱蔡嘉欣當然有入圍。(陳順禎攝)
+42

在初選已經人氣高企的KOL蔡嘉欣Kayan,不停被揭發「黑歷史」,不過她在次圈接受訪問的時候,表示自己在網絡界多年,早已習慣這些流言蜚語,更感謝網民的留意,答覆相當大方得體。蔡嘉欣樣貌身材佼好,學歷亦是本地大學畢業,加上口才了得,似乎成為大熱門是理所當然的事。不過,她卻有一件事令她難以奪冠,就是形象相當之差,進入次圈綽綽有餘,但要入三甲就不用想了,除非之後有大逆轉吧。

蔡嘉欣Kayan身形相當高佻。(IG@蔡嘉欣)
+8

至於三甲人選,港姐話明美貌與智慧並重,樣當然是重點,而根據近年幾的往績,除了麥明詩學歷比較誇張,其他冠軍都是大學學士左右的學歷,要看智慧,唯有看口才。口才也有分轉數快、大方等方向,前者明顯是馮盈盈那一類,後者就像是雷莊𠒇這一種。以下,就為大家估一估三甲人選,三位有一個共通點,都係咁高!

 

第一位入選的就是黃嘉雯 Carmaney(曾用藝名湯洛晴),點解佢會入選?首先,佢上年曾代表香港出戰國際小姐,雖然無功而還,但至少得到選美經驗。其次,樣貌外形既然選得國際小姐,當然已經合格有突,而且曾經在hktv和有線擔任過節目嘉賓,見過大場面,口才不會輸蝕,絕對係頂頭大熱。

今屆香港小姐候選佳麗之一黃嘉雯(Carmaney)是去年的國際小姐香港代表。(IG@carmaneysantiago)
+9

第二位人選會是楊詠彤(Katy),Model出身的她擁有178cm的身高,樣子超級甜美,美貌方面絕對冇問題。當面對記者的提問時,雖然略為怕羞,不過對答尚算流暢,所以亦要將她列為熱門人選。

Katy對腳相當之長。(IG@Katy)
+10

第三位名叫王菲,與歌手王菲同名,模特兒出身,曾拍攝大眾財務廣告,於公開大學修讀電影系。就咁睇樣,係四十九位參賽者當中,仙氣最橫溢就係佢,所以一定要預埋佢!

由於佢IG冇公開,唯有睇住呢啲相先喇!(梁碧玲攝)