【書展2019】電競女神馬俊怡自爆靚樣進化過程 :箍牙用咗十幾萬

撰文:吳子生
出版:更新:

電競女神Rose Ma(馬俊怡)今日(19/7)再度現身灣仔會展為寫真宣傳造勢,現場所見大批粉絲手持寫真到書報攤索取Rose Ma親筆簽名,場面十分墟冚。提及她出道只有6年時,為何樣貌越來越標緻動人?Rose Ma直言說:「覺得自己瘦咗,同埋箍咗牙,咁所以我覺得箍牙係一個超大嘅因數,塊面瘦晒,你問我睇返以前啲相,自己都覺得整容啦,睇返啲舊相都覺得唔同咗好多。」

Rose Ma未知新書銷量。(陳順禎攝)

(箍牙用咗幾多錢?)Rose直言說:「箍牙用咗5萬蚊,最貴係整牙貼,整咗上前排8隻,下前排8隻,淨係牙貼用咗我超過10萬,整咗共16隻牙真係超貴呀!不過出到效果好靚,都真係值得嘅,醫生建議每三個月都會洗一次牙同檢查,雖然會有少少唔方便,但我都唔抗拒睇牙醫,因為自己都好鍾意食糖,哈哈!」

Rose Ma現身書報攤,為新書宣傳造勢。(陳順禎攝)

(臉上粒痣脫咗?)Rose坦言:「之前聽風水講,話粒痣會惹是非,早兩個月前脫咗,本身自己塊面上有成10粒痣咁多,美容師就話順便脫埋佢,所以宜家覺得成塊面乾淨晒。」

現場大批粉絲索取Rose Ma親筆簽名。(陳順禎攝)