林愷鈴預告20歲脫單:爸爸話20先可以拍拖

撰文:吳子生
出版:更新:

林愷鈴(Ashley)今晚(30/7)出席在中環舉行的國際著名腕錶品牌活動。愷鈴表示:「唔同色顏色,唔同款式嘅腕錶,都可以配襯唔同嘅服飾,咁所以錶除咗可以睇時間之外,仲可以當係一種飾物咁去配戴,好記得細個嘅時候公公佢好鍾意錶,而我Daddy佢宜家都好鍾意錶,唔知係咪男士通常都比較鍾意腕錶呢。」

林愷鈴今晚出席國際著名腕錶活動。(葉兆康攝)

(被問有沒有追求者?)Ashley笑言:「其實喺大學讀建築課程真係好忙,大家都日夜趕工課,喺一個冇覺好瞓嘅時候,真係冇呢個多餘嘅時間去談戀愛,但係如果真係有緣份嘅話,都應該唔會覺得有問題,但宜家好想專注喺學業同工作上面,不過爸爸都有同我講,要等到20歲先好拍拖,不過我宜家差幾個月就到20歲啦。」

Ashley表示現階段以工作與學業為重。(葉兆康攝)