王嘉爾唔換衫趕入無綫錄影《Do姐有問題3》 有嘉賓同佢有淵源?

撰文:蒙曉盈
出版:更新:

韓國男團GOT7香港成員王嘉爾Jackson近日在香港忙過不停,除了擔任Sammi鄭秀文演唱會嘉賓,又現身Do姐鄭裕玲、余迪偉和麻利主持的電台節目《口水多過浪花》,而本周一(29/7)則為他的蠟像揭幕,並接受各大傳媒訪問,事後他未有換衫便急急腳離開,究竟Jackson有乜嘢行程,衫都唔換都要趕過去呢?

27日,王嘉爾擔任Sammi鄭秀文演唱會嘉賓,令全場觀眾非常驚喜。(資料圖片)
29日,王嘉爾就為自己的蠟像揭幕。(資料圖片)

Jackson王嘉爾近日香港行程

+5

原來,王嘉爾當日為Do姐鄭裕玲和農夫主持的TVB節目《Do姐有問題3》錄影,Do姐在Instagram分享與Jackson見面的片段,一開始鄭裕玲先和王嘉爾擁抱,然後Jackson向農夫鞠躬和握手,Jackson更即場清唱農夫的《返老還童》,又賣口乖稱:「我最近有睇你部新劇㗎!」陸永和C君聞言非常開心:「唔怪得(Do姐)咁鍾意你啦!死啦,我而家都好鍾意你呀!」現場氣氛樂也融融。

王嘉爾之後趕往將軍澳電視城,錄影《Do姐有問題3》。(IG/@do_do_cheng)

Bob重提14年前舊事:有個細路打去電台話想做歌手!

當日嘉賓還包括Bob林盛斌,原來阿Bob本來有海外行程,為了見Jackson一面,阿Bob特意回香港錄影節目,還自爆與Jackson早已結下不解之緣:「14年前,有個細路打電話去我嘅電台節目,佢話希望第時大個咗可以做一個歌手,咁我好老實問佢屋企有冇米,有就去啦,佢以為我話食飯嗰d(啲)米,所以佢話有.........今日,我哋終於遇上。」見到Jackson夢想成真,阿Bob衷心恭喜對方,又叫Jackson繼續努力和加油!

至於Jackson接受TVB《娛樂新聞報道》訪問,不止稱自己是《新香蕉俱樂部》頭號粉絲,是他的兒時回憶,又指阿Bob是「我發歌手夢嘅開始」,Do姐更大爆Jackson指定阿Bob擔任嘉賓,兩人在TVB的化妝間相遇時,不禁感慨:「終於見面啦!」

當日嘉賓Bob林盛斌自爆十四年前已和Jackson結下不解之緣。(IG/@bob_lamshingbun)

王嘉爾同Do姐農夫見面逐格睇

+7

Do姐在訪問中指,王嘉爾之所以擔任《Do姐有問題3》嘉賓,原來是當事人自薦,Do姐笑言:「當時我含住啖飯,我即刻Lur返出嚟!」節目錄影後,Do姐又在Instagram大讚Jackson:「佢真係好受歡迎!各位都愛佢!節目好歡樂、溫馨同搞笑!一定要睇呀!」而王嘉爾亦有回覆:「Always blessed !!! Dodo姐姐」其實王嘉爾過往接受訪問時,多次提及希望可以參演TVB電視劇,如今能參與TVB綜藝節目,也算是圓了Jackson的小小心願。

Do姐大讚Jackson人見人愛,又稱今集《Do姐有問題3》不容錯過。(IG/@do_do_cheng)

Jackson、Do姐與農夫相遇片段