【港姐2019】大熱佳麗蔡嘉欣順利晉級 古佩玲情緒激動

撰文:吳子生
出版:更新:

《2019香港小姐競選》今日(13/8)於將軍澳舉行「決賽佳麗誕生」記者會,15名入圍候選佳麗施展才藝表演,角逐晉級10名參賽資格。大熱佳麗蔡嘉欣(Kayan)與古佩玲順利晉級。Kayan表示剛才宣布一刻心情激動:「因為我係最尾2宣布我入圍,當時未宣布嗰一刻,我企喺後面,自己都有諗入唔到圍,心情好緊張,亦相信命運嘅安排係最好,所以用接受現實嘅態度去迎接結果,但當知道入圍名後,入到後台見到落選嘅佳麗都喊晒,雖然自己入到圍,但都會好唔開心,因為見到佢哋喊,所以自己都喊一份。」

Kayan即場表演示範徒手用一匹布料,設計出一條晚裝性感短裙。(陳志嵐攝)

古佩玲就話:「當宣布一刻,自己嘅心情係好緊張又期待,但聽到自己個名時,真係好開心,但心情又好複雜,我望到佢哋喊,我都忍唔住喊,令我諗起呢兩個月嚟,我哋日日一齊相處訓練,咁所以見到佢哋咁,自己會好心痛,我希望嚟緊決賽當日會有好表演,亦希望會攞到三甲好嘅名次。」

古佩玲即場表演舞蹈才藝。(陳志嵐攝)
今日誕生10名候選佳麗進入9月8日《2019香港小姐競選》決賽角逐獎項。(陳志嵐攝)