Jessica@SG向親友派嫁女餅 爆圈外男友日本影婚照煩過女人

撰文:陳栢宇
出版:更新:

Super Girls成員蔡明思(Jessica)今年4月與拍拖近6年的圈外男友陳冠 (Steven)訂婚,並將於下月27號在台北的酒店擺婚宴。距離婚禮還有一個月時間,今日(24/9)Jessica先向各方親戚好友送上嫁女餅,同時附上一張印有二人於日本拍攝婚紗相卡,卡上還有二人英文名Jessica及Steven的縮寫「JS」的Logo。

Super Girls成員蔡明思(Jessica)今日向各方親戚好友送上嫁女餅。

Jessica透露早前於日本米子市拍攝以大自然為主題的婚紗相,今次帶了三套婚紗過去日本,其中見她在沙灘上與男友拍攝的一套婚紗,露背之餘亦有開胸設計,非常性感,她表示:「拍攝的婚紗男友冇特別畀意見,冇唔畀性感,而且影的婚紗唔係結婚當日嗰套,反而結婚套婚紗都好性感,幾Deep V,我都有問佢如果着呢套OK嗎?可能有長輩比較傳統,未必太鍾意。佢就話着我覺得好的婚紗,唔洗諗咁多,佢話佢乜都OK。」

Jessica早前於日本米子市拍攝以大自然為主題的婚紗相。

雖然男友對婚紗冇要求,但Jessica笑言對方拍攝當日「煩過女人」,連攝影師都頂唔順,她笑說:「佢成日都好Chok,連攝影師都頂唔順,成日笑佢『得㗎喇,可以出道喇』。因為佢對於自己影的相好有要求,當攝影師只係影緊我,佢就不斷在旁邊擺甫士,攝影師見到就唔好意思唔理佢,走埋去同佢影幾張相。」


Jessica透露男友比自己更緊張拍攝效果,搞到她當日累到唔想再影,她說:「佢有好多Idea,畀好多參考圖攝影師睇,不過佢就樂在其中,比女仔要求更多。雖然今次係幾好玩,不過因為佢好多要求,影到我好累,我同佢講唔好再影,佢就會話『我人生得一次,你好好配合我啦』,反而係男仔咁同女仔講,都幾好笑!」