薜家燕為粉絲赴美加開巡迴演唱會 「佢哋邀請咗我幾年」

撰文:林迅景
出版:更新:

薜家燕(家燕姐)和王梓軒今日(17/10)一同出席網絡人氣頒獎典禮,不約而同地,兩位也表示將會開辦週年演唱會。王梓軒:「最近忙緊新歌,聽日亦都會拍演唱會主題曲MV,我都想邀請Captain Nancy做嘉賓,不過見佢都好忙。」家燕姐回應:「到時我會飛返嚟!不過要問經理人。」同時,她也透露,公司已為她安排了50週年的美加巡迴演唱會。「嗰邊都邀請咗我幾年,好想我去美加演出,觀眾都好想見我。」王梓軒說笑道:「佢哋由年青等到年長,依家終於可以睇到家燕姐。」家燕姐表示場場也容納數千人,都唔細㗎。

家燕姐將會在美加地區巡迴登台,開演唱會。(葉志明攝)

除此之外,家燕姐亦在籌辦自家品牌的曲奇餅,她説:「除咗香港,海外好多地方我都會推廣,呢個亦都係我個女嘅提議,佢話:『媽咪年紀咁成熟,就唔好有咁多工作啦。』拓展就佢哋去做我就淨係出個樣,哈哈哈。」她還說,現在星加坡、中國內地都有得賣,而將來希望馬來西亞、台灣都有,更表示現在的工作成果也是留給囝囡們的。