【失憶24小時】黃建東入行8年終嘗「車震」滋味 女主角是誰？
撰文：吳子生
出版：更新：
東東為慈善晚宴擔任司儀。（陳順禎攝）
黃建東昨晚（25/10）現身金鐘為慈善晚宴擔任司儀。東東透露入行8年時間，終於可一嚐「車震」滋味，因為多得無綫劇集《失憶24小時》監製王心慰成全：「其實我都好緊張，因為床上戲一路都係我由細到大都好期待嘅戲份，我覺得自己可以走下呢啲路線嘅，今次終於有機會。」
東東笑言情慾戲份等足8年，終於可一嚐「車震」滋味，表示萬分期待。（陳順禎攝）
東東為了「車震」場口，開始準備節食減肥瘦身。（陳順禎攝）
不過一眾好友就唔多睇好呢場「車震」戲份，認為東東體型過重，會導致車輛解體，東東表示無奈：「佢哋留言問我係咪扮女人車震，都唔明點解啲同事會咁尖酸刻薄，都唔睇好我呢場車震戲，真係有啲激氣，不過呢段時間最好搵部車練習一下先，因為自己身形比較重，怕震爛啲座位，等我搵部泥頭車嚟震下先。」
東東被一眾好友恥笑體型過重拍「車震」場口，容易導致車輛解體。（陳順禎攝）