鄧佩儀告別《搵食飯團》主持行列 擬明年辦粉絲聚會唱歌益粉絲
撰文：賴家杰
出版：更新：
TVB飲食節目《搵食飯團》即將改革，有新主持加入，作為元老級主持的鄧偑儀（Gloria）亦會改以嘉賓身份現身這節目。
《搵食飯團》這節目其實對Gloria具特別意義，她說：「《搵食飯團》係我出道以來第一個主持節目，見到由我好差做主持，變到識講嘢。呢三年諗返同好多兄弟姊妹合作，真係好多回憶。今次變做嘉賓，其實好好，因為監製話我可以隨時可以返去做主持。」
彭慧中亦有主持《搵食飯團》。（資料圖片）
Gloria早前在社交網站發佈了自己出席活動唱歌的影片，不少網友大讚她唱歌動聽，原來她一直是很喜歡唱歌這件事，「如果你問我工作上唱歌係咪到歌手程度呢？我係未到，但我會成日都係社交網站Post我唱歌片。其實我真係好開心咁多年有咁多人支持，因為我真係好鍾意唱歌。不過我從來唔會當係我一個工作，因為我仲未夠料到，有得表演我已經好滿足，還咗我一個心願。」對於不少粉絲希望聽到自己唱Live，Gloria透露，明年有計劃開一個粉絲聚會，並於活動上唱歌，一展歌喉。