宋熙年拍節目出埠日本覺樓市吸引：去完都有啲心郁郁
撰文：葉詩
出版：更新：
宋熙年（Sarah）周二（5日）出席活動，談到近日到日本工作：「最近同開電視拍咗個節目叫《宜居住遊行》，好耐冇試過出埠六日，所以好掛住囝囝。可能佢開始大個，識得同人溝通，老公（陳智燊）不斷Send片俾我，聽到囝囝叫我、同我飛吻，我個心就乸住乸住；但工作係非常充實，亦都認識到東京除咗吃喝玩樂嘅另一面。」Sarah又提到短期內沒有移民的想法，畢竟工作都在香港：「但我睇到日本嘅樓市好似幾唔錯、門檻／入場費較低，去完都有啲心郁郁，我要再了解多啲、同老公商量下，喺嗰邊投資好似都唔錯。」
宋熙年與老公盡可能都親力親為照顧囝囝，因為陪伴他成長的時光很寶貴。（葉志明攝）
陳智燊近日挑戰演出舞台劇《人生原是一首辛歌》，宋熙年亦表示希望挑戰不同類型的工作：「好似都傾緊客串下一啲電視劇，睇完老公玩舞台劇都好有興趣！睇到老公呢兩個月同一班舞台劇演員打成一片，舞台劇亦都係同電視劇、電影截然不同嘅演出方法，佢自己都需要少少時間去適應，而每一個Show亦都有唔同嘅驚喜，佢係投入到唔捨得完Show，我都希望可以親身感受吓佢感受過嘅嘢。」