【台慶2019】歷年終極大獎點樣用? 邱晴獨得52萬:好似發緊夢!

撰文:林迅景
出版:更新:

每年TVB台慶(2019年改名為《珍惜香港發放娛樂 TVB 52 年》)都有一大堆藝人表演,有人會跳舞,也有人會唱歌助慶,而當中最令藝人們期待以及興奮的,莫過於是節目尾聲的全台藝員終極大抽獎環節,今年更由20歲的邱晴(Mandy)獲得總值港幣52萬的獎金獎品(30萬理財存款戶口)。

邱晴話好多人搵佢食飯。

2019年台慶終極大獎得獎者邱晴(Mandy)接受《香港01》訪問時說:「我首先會請Think Big同事收工一齊出去食,唔會喺Canteen食,會出去食囉,其實已經好多人打嚟叫我請食飯喇。去旅行都好呀,我同阿媽講中咗,初時話佢估我中幾千蚊,後尾話一萬,仲叫我畀佢,我話好呀。佢而家都未知我中咗52萬呀,哈哈。我問過上年黃庭鋒,佢建議我放落儲蓄戶口,我諗我都會,我而家都好似發緊夢。」

+10
余思霆(Stitch)是2017年抽獎得主,有信用卡簽帳30萬及10萬現金。(資料圖片)

如果邱晴未想到點用筆獎金的話,不妨參考一下2017年得到100萬獎金獎品、獎品的余思霆(Stitch)的用法。余思霆:「大部份都用完了!哈哈,信用卡的簽帳額應該還有剩,不過我已經很久沒用那張卡,我也忘了。獎金用了十幾萬來交了一年的房租,有些拿去付了保險,買了一家人回台灣和回紐約的機票,還有用了幾萬去了潛水,也買了兩三對波鞋。」

+8
李嘉則是2016年得主,有8000蚊現金,21萬上商銀行簽帳額,20萬儲蓄。(資料圖片)

2016年台慶大抽獎李嘉接受《香港01》訪問時,說:「8成獎金用嚟投資賺咗兩倍,買嘢旅行平時收入隨時都可以應付。而家時勢,我會存番啲錢傍身。」會不會添購一些新的練武武器?他回答:「我有自行研發一啲防衛用品。」是甚麼呢?李嘉則附上一張拳頭照,並說:「我改良咗拳頭勁力!」