余香凝曾被指拜金 望與另一半價值觀相同:有錢人諗嘢好離地

撰文:董欣琪
出版:更新:

近年積極發展演藝事業的余香凝(Jennifer),在2017年首度參演電影《骨妹》就獲提名金像獎最佳新演員,去年她更憑《逆流大叔》、《非同凡響》分別提名最佳女配角及最佳女主角,演技備受肯定。但去年6月Jennifer與拍拖近4年的陳家樂分手後,即成為網民的攻擊對象,紛紛痛批她拜金,令她形象大損。她日前接受電台節目《1圈圈 星光背後》訪問時,就剖白感受。

《01最賞睇娛樂大獎》即日起至1224日接受投票喇,仲可以參加勁抽雙重獎,隨時贏旗艦手機11 Pro MaxDyson風筒、01積分等,總值超過70萬元

余香凝(Jennifer)日前接受電台節目《1圈圈 星光背後》訪問。(YouTube影片截圖)
Model出身的Jennifer,近年積極往電影界發展。(IG@jenniferyuuu)

Jennifer與陳家樂拍拖三年幾,不時在網上放閃,家樂更曾表示一早已經視對方為結婚對象,但去年6月突然傳出兩人分手的消息,有指導火線是女方與保險才俊Victor撻着。事件曝光後,Jennifer被網民大罵是「拜金女」,她在節目中就坦言不開心:「我辛辛苦苦做嘢,但有呢個名銜出咗嚟。(會唔會驚富有嘅人追你?)我對任何人都唔會驚,反而我係會驚價值觀唔同。因為當你好有錢嘅時候,可能諗嘢會好離地,有好多嘢我覺得應該係咁,但你覺得唔係,所以價值觀唔同係冇辦法一齊。」

Jennifer與陳家樂拍拖三年幾,可惜兩人在去年6月分手。(IG@jenniferyuuu)

Jennifer因為分手一事受千夫所指,或多或少與他們戀情太高調有關,但她就坦言在處理感情事方面不會刻意低調:「未知,但我覺得如果嗰個人真係Mr. Right,其實又唔使驚。我係演員,但我始終都要生活,先可以感受到做人感受到嘅嘢。如果你成日覺得我係一個Artist,所有嘢都要神神秘秘,你根本感受唔到生活。」現時單身的Jennifer,就希望找到一個工作認真,可以幫她分擔煩惱的另一半。

Jennifer現時單身。(IG@jenniferyuuu)
Jennifer父母離異,但她與媽媽及妹妹的感情好好。(IG@jenniferyuuu)

雖然曾被網民辱罵,Jennifer更一度將IG的留言功能封鎖,連帶以前所有Post的留言都消失,但她如今就學會坦言面對負評:「娛樂圈就係咁樣運作,當然新聞會影響到一個人嘅形象,但係我視自己係一個演員,同埋我哋呢一代嘅演員成日都可以同觀眾交流,所以我覺得好多眼睛雪亮嘅觀眾睇完我做戲,或者同我交流過,知道發生緊咩事嘅人就會知道。」

Jennifer相信觀眾會明白!(IG@jenniferyuuu)
+13