【流行經典50年】媽媽苦練「720度風車大旋轉」　黃建東備受鼓舞

藝人黃建東（東東）和媽媽黃葉慧茵（Diane）最近於《流行經典50年》彈琴唱歌跳舞大獲好評，大家都對東東原來識彈琴大感驚喜，他表示：「其實我由選港男開始，到歡樂滿東華嘅卡拉之星，再到去年台慶都有表演彈琴，不過可能平時形象太不修邊幅，所以大家遺忘咗我識樂器。其實自己平時有寫流行曲，睇嚟新一年可以推出自己嘅作品以及搵多啲機會展示自己熱愛唱歌彈琴嘅一面。」

除此之外，大家亦對黃媽媽的美貌、身材及舞技驚歎，鼓勵她加入娛樂圈，東東則笑言不想媽咪一把年紀才被推落火坑，不過如果媽咪喜歡做就一定會支持。

今日（31日）東東上載黃媽媽的720度風車大旋轉排舞片段，還寫到今次可以同媽媽在節目中演出好難得，所以黃媽媽不容有失，特別準備了一個高難度動作「720度風車大旋轉」，還不停跟TVB舞蹈員練習。雖然最後因為拍檔身體關係未有機會展現出來，但已令東東非常敬佩：「估唔到媽咪去到呢個年紀對表演仲有咁大團火同埋咁有要求，自己有見及此都要加把勁。」網民都紛紛留言讚嘆欣賞，希望黃媽媽可以快些成為藝人再跟仔仔合作演出。