【大醬園】朱晨麗何廣沛終成夫妻 大讚男方體貼：會幫我按摩
撰文：黃欣華
出版：更新：
無綫花旦朱晨麗與緋聞男友何廣沛於電視劇《大醬園》演一對歡喜冤家，二人由鬥餐死變愛到難捨難離，於經歷種種困難後，最終有情人終成眷屬，結拜成為夫妻。
二人在劇中有不少大膽戲份！（電視截圖）
點撃下圖睇成親過程！
+4
由於二人孭住緋聞情侶身份演出，令粉絲們看得非常入戲，其中一場講述朱朱被人打跛腳戲份，何廣沛不時安慰她，表現溫柔一面，令朱朱大為感動，她表示：「場戲講大家一齊經歷之後互相扶持，之後認定對方，佢見我隻腳跛住幫我按摩，好細心體貼，令我改觀，有少少開始戀愛感覺。」
會唔會擦出愛火花呢？
另一場令朱朱印象深刻的戲份，就是何廣沛被活埋泥土中，朱朱透露劇組到一個出名多紅螞蟻的地方拍攝，期間還特別開出一個洞給何廣沛：「當時係夏天，見住佢都幾辛苦，又睇到好多紅螞蟻爬來爬去，佢只可以露出個頭，唔可以亂郁，我都擔心，真係驚佢畀蟻咬，場戲要我瘋狂掘泥救何廣沛離開泥土，感覺真係好真實，驚佢暈咗就唔知點算，好在最後都順利拍攝完成。」
好恐怖呀！