【新冠肺炎】按摩店生意大跌7成 鄧洢玲：好有無力感
撰文：吳子生
出版：更新：
鄧洢玲（阿旦）昨晚（12/3）現身土瓜灣出席《電競賽車女神邀請賽》。一向有打開機習慣的阿旦，直言超鍾意賽車Game因為夠晒刺激：「首先我本身係有車牌，而自己揸車好注意安全，唔會超速駕駛，又唔會掟彎，但玩賽車Game就可以，仲有炒車係可以唔使負責任勁過癮。」
受疫情影響，阿旦透露按摩店生意下跌7成。（葉志明攝）
香港因為受疫情影響經濟轉差，連阿旦在銅鑼灣經營的按摩店生意亦大受影響：「其實呢段時間真係捱緊，因為我哋主要都係做遊客生意多，因為疫情關係，根本都冇旅客嚟香港旅遊，生意額都下跌咗7成，但我哋冇因為咁而要同事放冇薪假，但每次返到公司見到客源一路減少，個心真係有種好強烈嘅無力感，係不可對抗，唔係話我勤力啲做啲乜嘢就可以改變到，希望在明天啦！」
阿旦表示已去信要求業主減租金，現時等待回覆中。（葉志明攝）