【機場特警】楊明懶理網民發起罷睇:每個人都有選擇我控制唔到!

撰文:賴家杰
出版:更新:

由於新冠肺炎(俗稱武漢肺炎)疫情嚴重,楊明今天(19日)出席派口罩活動,讓一些基層人士好好保護自己。另外疫情關係,全球經濟低迷,零售及飲食業亦受重創,楊明的燉湯店也不例外,他說:「市面上好多市民都唔出街,政府已經勸籲大家少出街、少聚會。其實日頭我鋪頭情況都OK,但夜晚晚市比較靜啲,咁我都同香港共渡時艱。」

楊明知道現在香港各行各業也在受影響。(葉兆康攝)

晚上生意楊明用「慘無人道」來形容,幸好午市時間能有一班顧客幫襯。他說也有叫業主減租望能幫輕一下:「業主都好好,都已經叫過一次減租,依家疫情再爆發,佢哋都商量緊仲有冇可以減租空間。(咁你有冇炒人?)我哋人手都縮減咗,之前請落嘅兼職我哋都cut咗,希望盡量保障到長工,所以人手就精簡少少。」

楊明直言早前業主已經減了20%我租金。(葉兆康攝)

楊明主演的《機場特警》下星期一(23日)首播,每次播出新劇集,不論是演男一或者不是男一,他直言一樣是會有壓力,因為希望能讓觀眾看得開心。不過這半年期間,楊明多次發表撐警言論,可能會因為有部份網民發起罷睇這劇集,他說:「其實我知道會有啲人會因為我選擇罷睇,但呢啲我控制唔到。每個人都有每個人選擇,覺得自己唔鍾意睇,可以唔睇。咁希望可以俾到一啲正能量社會,俾到一啲開心情緒市民。」

楊明笑言當時拍《機場特警》是他最Fit的時候。(葉兆康攝)

點擊睇早前楊明出席支持警察聚會和搬走示威者設下的路障圖片!

+4