【新冠肺炎】小童口罩市面供不應求 霍啟剛慨嘆：真係好難買
撰文：吳子生
出版：更新：
霍啟剛（Kenneth）今日（19/3）出席香港開電視在尖沙咀舉行的全新體育訪談節目《大輝主場》記者會。提起疫情肆虐全球，世界各地多項體育賽事都被取消，身為《中國香港體育協會暨奧林匹克委員會》副會長的Kenneth坦言2020年東京奧林匹克運動會是否預期舉行，都會存在很大變數：「每日我哋會密切意意住疫情嘅變化，我哋奧委會一定要聽從國際奧委會指示，而呢一刻都係預期舉行，喺防疫方面一定會以人嘅安全行先。」
霍啟剛坦言小童口罩非常難買，因為市面供不應求。（葉兆康攝）
此外，Kenneth大讚太太郭晶晶在疫情底下持家有道，亦經常參與抗疫社區工作，分派抗疫物資給有需要人士：「佢真係好關心大家，對於疫情嘅資訊，其實有多啲一手資訊都係佢話畀我知，係佢最快，因為佢係媽咪身份，所以佢對小朋友嘅健康特別緊張，而口罩方面，我亦都知道小朋友嘅口罩真係好難買到，惟有靠我太太。」
霍啟剛大讚太太郭晶晶持家有道。（葉兆康攝）