【開心速遞】劉丹二撇雞成標記 若剃鬚即斷「龍脈」:我寧願唔拍

撰文:吳子生
出版:更新:

丹爺(劉丹)今日(20/3)現身電視城出席無綫處境喜劇《愛·回家之開心速遞》宣傳活動。從影超過五十年的丹爺,無論在大小角色上,丹爺面上的鬍鬚都形影不離跟隨至今,亦成為丹爺的Icon,但又有幾多人會知道,丹爺留鬚背後的真正原因?就等丹爺親自揭開這個驚世之謎。

丹爺表示每天都會悉心用剪刀打理臉上的鬍鬚。(陳志嵐攝)

風水大師指點 剃鬚影響個人氣場

丹爺接受《香港01》訪問時表示要追溯到70年代末:「當時有一位風水大師建議我留鬚,仲提醒我如果唔留鬚,個人嘅氣場會好差仲會有麻煩,叫我小心啲,嗰陣時自己又唔係好信邪,所以冇理到。之後有套劇集叫做《強人》(1978),個角色(雷一帆)需要我剃鬚,咁咪剃囉,點知有日要拍我爬過鐵線嗰場戲,突然發生意外跌咗落地,跌斷咗條腰,情況非常嚴重,瞓咗個半月醫院,當時醫生仲同我講一百個人入嚟,只得兩個人會行得返,而我係其中一個,話我非常幸運。」自此之後,丹爺認為剃鬚會帶來「唔老黎」,所以從今以後所有角色需要剃鬚,他都會斷言拒絕:「要我剃鬚,我寧願唔拍,其實喺電視城嘅人做做下都知,唔係咩秘密,監製都冇叫我剃。」

【萬千星輝2019】76歲劉丹戴余文樂同款手錶領獎  網民激讚好新潮

【開心速遞】劉丹着日本潮牌FDMTL拍劇  仿刺子繡羽絨係私伙衫?

丹爺透露老婆大讚留鬚好有型。(陳志嵐攝)
+4