【男排女將】與Ian@MIRROR再做宿敵 李爾晨：有啲Moment要記低！
受新型冠狀病毒（COVID-19，俗稱武漢肺炎）持續擴散而影響拍攝進度的ViuTV新劇《男排女將》，日前繼續拍攝非球賽戲份。其中一場文戲在中環半山取景，飾演男主角「魚仔」的男團MIRROR成員陳卓賢（Ian），與飾演其劇中宿敵「阿新」的邵氏新人李爾晨（Kyle）相遇，同場更有兩位扮演他們年少時的小童星，相信這一幕戲，是極可能是講述Ian與Kyle回憶當年情。
收工後，Kyle在個人Instagram發帖，並公開4人合照，從中揭開他與Ian識於微時。「話說同Ian大家都重（仲）打緊波既（嘅）年代，一個在CityU，一個在PolyU；（之後）一個在南華，一個在仁濟，所以大家見面通常都係眼超超。如今將情緒帶落套劇到（度），然後坐埋一齊笑騎騎。」
甲一男排出身 李爾晨拍青春劇終圓夢
翻查資料，Ian和Kyle在學生時代，分別於城大修讀公共政策與政治，以及在理大主修全球供應鏈管理，亦各自擔任排球校隊隊員，另邊廂，他倆亦代表甲一男排球隊「南華」和「仁濟」出戰，如今在《男》劇中再次成為宿敵，於排球場上對壘，實在有緣。Kyle表示不能透露太多：「只可以話，喺呢套劇入面，我同Ian係有好多轇轕，唔單止係愛情上，親情上都有。」由於Ian在劇中跟余潔滢（Zoe）飾演的安安有感情線，故可能相信，Kyle將會與他們二人陷入一場三角戀。
身為退役排球員，轉投演藝界後能夠參與一套跟排球有關的劇集，Kyle直言相當興奮：「因為我自己嘅夢想都係拍一套青春勵志劇，我都唔敢諗係咪用排球做題材，點知真係（拍）排球，所以我係好開心嘅。」《男排女將》原本計劃在3月底拍竣，如今起碼要到5月中至5月底才能煞科，未知ViuTV會安排在何時播出。
疫情影響ViuTV劇集《男排女將》 拍攝進度 Anson Lo：搵地方好難
《二月廿九》掀ViuTV追劇潮 《男排女將》靠鄧麗欣MIRROR再搶攻