【機場特警】楊明遭棍傷頭 爆南亞演員打到失控：真係嬲
撰文：吳子生
出版：更新：
楊明今日（26/4）出席在將軍澳舉行的無綫劇集《機場特警》之「Mission Completed」宣傳造勢活動。講起劇集，作為機場特警的楊明，在戲內有不少打鬥場面，有時候難免都會受傷，「有幕講我同一大班南亞裔人士發生打鬥，喺拍之前動作指導已經同我哋排好晒點打，仲叫嗰兩位南亞裔演員向我左右兩邊揮棍，每人各打三下，之後我會用腳伸開佢哋。」
楊明拍攝打鬥動作場面時，意外被扑傷頭，慶幸傷勢沒有大礙。（陳順禎攝）
楊明續說：「點知到真正埋位嘅時候，其中一個人唔知係咪打得興起，打多咗一下，兜頭打咗落我個額頭中間位置，嗰一刻我個頭好痛，平時都會就力打，但個一刻真係嬲，變咗真踢開佢，佢跌咗落樓梯底，事後個演員同我講唔好意思，但我都有同佢講唔好意思，我真係好痛，其實嗰場戲都拍得幾真，所以觀眾到時可以留意下呢場戲。」
楊明透露 燉湯店因「限聚令」，門市堂食生意下跌近8成。（陳順禎攝）