何廣沛入行八年恨做警察角色 自言感可惜:唔到我話事

撰文:吳子生
出版:更新:

何廣沛(Matthew)今日(1/6)出席在將軍澳電視舉行的明珠台全新政治驚悚劇集《特種保鑣》宣傳造勢活動。Matthew為隆重其事,一身型格保鑣造型登場,果然相當煞食,「其實自己好想演呢啲角色,但唔到我話事,都係等公司安排啦。其實計下計下喺公司已經八年時間,真係未曾做過警察角色,自己本身都好鍾意槍械,咁所以之前去咗學玩氣槍,希望增值自己,為將來拍攝嘅時候,可能會用到,到時揸起支槍都叫做入型入格呀!」

何廣沛坦言很想演警察角色,慨嘆在無綫8年時間還未遇到。(梁碧玲攝)

此外,Matthew透露7月將會開拍新劇:「套劇係講我主人翁有特異功能,能夠與物件感應,可以透過一啲物件,我可以知道呢樣物件不為人知嘅過去,例如我掂一掂你部電話,我就知你Miss咗好多個Call,但劇情最終會講啲咩我就未知,因為劇本未出。」

何廣沛透露早前去學玩氣槍自我增值,期待日後有好角色,可以大派用場。(梁碧玲攝)
+2