【三十而已】高海寧神秘現身賺人仔 硬食賤男:係一個新嘅嘗試

撰文:鄺鈺瑩
出版:更新:
高海寧近年不斷被讚演技進步,擺脫花瓶印象,香港四劇連播之餘,內地客串劇集亦叫好叫又叫座,連佢自己都表示十分開心。(IG@sammkoling)

近年演技獲唔少網民讚有進步、成功擺脫性感花瓶形象嘅高海寧(高Ling),其主演嘅《殺手》、《迷網》同時播出,而暑假之後播嘅《反黑路人甲》和《C9特工》亦有高Ling份,一口氣連環4個劇,非常厲害。

無綫安排高Ling拍內地劇集,雖然遲就遲咗啲,但都好過無。(影片截圖)

不過,原來除咗港劇之外,近日喺內地討論度極高嘅新劇《三十而已》高Ling亦有份演出,而該劇更係高Ling首次演出嘅內地劇集,不過由於檔期關係,所以佢只係屬於客串性質,她接受《香港01》訪問時表示:「係一個新嘅嘗試!不過因為檔期關係,所以劇中我嘅戲份拍咗兩日,主要係同女主角江疏影嘅對手戲。我個角色係一個悲情人物,因為無勇氣改變現有生活方式,所以忍受男朋友不斷既背叛,仲要幫佢執手尾。」劇集在內地開播以來,討論度極高、豆瓣評分有8.1,成績不俗,高Ling透露自己都有追劇,並大讚故事寫實兼細膩:「主要講30+現代女性面對緊既各種壓力,例如家庭、工作、戀愛、甚至社交,觀眾好容易產生共鳴!」

高Ling於《三十而已》嘅男朋友,係曾在《荷里活有個大老千》飾演「螳螂」嘅馬志威。他在劇中飾演嘅有錢仔,喺遊輪上遇上江疏影後,隨即展開追求。(影片截圖)

問到高Ling會否順勢發展內地市場,她說一切都等公司安排,並謂:「自己負責做好每一個工作。」她又指出由於劇中的角色需要是一個會講國語的香港女生,所以公司安排了她,睇嚟無綫都有意幫高Ling開拓內地市場,並以《三十而已》試試水溫。

高Ling發現男友偷食後,即時去搵江疏影對質。(影片截圖)

另外,提到四劇連播,加上演技備受讚賞,有網民更在討論區發起推高ling做視后,高ling十分謙虛表示:「我呢排日日開工,連自己既劇出街都睇唔到幾集,等我得閒啲會上網睇返,點都好,好多謝佢地既支持!」

+3

同場加映:高ling有幾忙

+3