TVB體育評述員鍾志光講波出神入化無人不知，當年更憑一句金句「你呢度打倒掛呀？你估有自動導航咩？真係超級大傻仔」深入民心。鍾志光今年6月開設小紅書，主力拍攝內地旅遊短片，走遍山東，深圳、雲南等地，短短3個月粉絲人數激增至6千多，成績不俗。

今日（15/10）鍾志光現身電視城出席《第十五屆全運會》記者會，他在接受《香港01》訪問時表示：「其實而家拍片剪片都係我世姪女雯雯幫我處理，因為我自己就唔係好識搞，如果大家睇完啲片鍾意，唔係我功勞，係雯雯嘅功勞。」

鍾志光又指拍片的主要目的是開心分享，並不是為搵錢而拍：「其實都係諗住同大家有個互動，就唔係諗住搵錢，至於話收唔收入就唔會諗呢啲。（而家流量有冇收入？）暫時就未有，相反而家就會有啲商機，曾經試過有啲商家係搵我做唔做，但始終又唔知佢哋咩背景，之後就拒絕咗佢。」