51歲的吳文忻三年前確診患上乳癌，去年復發後癌細胞變異並擴散至尾龍骨，病情惡化至第四期，但她一直堅強面對。日前吳文忻到商台接受《1圈圈》訪問，為新歌《重新》宣傳，她透露因1月1日收聽《吒咜樂壇頒獎典禮》一眾歌手感言所啟發，特別是52的鄭秀文在台上講話令她不禁落淚，她說：「Sammi話自己52歲攞『我最喜愛女歌手』，好耐冇踏足叱咜頒獎台上，嗰份堅持勇氣可以將你推得更遠，叫大家唔好將自己否定，我不自覺流淚。」

吳文忻表示在抗癌期間發現自己有很多夢想未實現，在1月2日即拍片許了一個願望，但一直未有放上社交平台。至2月病情急轉直下，入院住了16日，她直說：「嚴重嘅，當時心積水肺積水，行動都唔方便，出醫院後所有夢想都放低咗。慶幸靠自己努力意志拉筋，起碼做返個正常人先。」

主持之一的阮兆祥表示據聞吳文忻當時狀態不佳要用輪椅代步，吳文忻皺眉說：「係呀，真係好痛呀，我係直情神經痛到個人拉唔直！因為cancer入咗尾龍骨，個cancer唔知關唔關事，做電療後個人係坐唔直，每日起身擘大眼就係痛囉，每一個動作都係痛，好彩慢慢一路靠其他輔助治療，仲靠自己每日拉筋，每日好啲每日好啲，幾個月後可以正常出返街，可以行到。」

病情好轉後，吳文忻逐步實現自己夢想，先推出自傳《因愛．重生》，最近再在新城廣播行政總裁馬浚偉支持去錄製新歌《重生》，完成歌手夢，而兩女兒Scarlet和Season則合唱英文版《Bold Mommy Bald Mommy》，令事情更完美。吳文忻指當初帶著沉重心情向女兒 白媽媽患癌，但女兒卻笑著問：「可否幫你剃頭」，文忻說：「原來小朋友世界，cancer等如光頭啫，佢係啟發咗我全件事唔使太沉重，佢哋後來幫我剃頭，之後同朋友講想有一首歌，做緊化療嘅媽咪都可以同個囡囡快樂生活。」

女兒為媽媽慶祝51歲生日：