陳百祥不經不覺已經76歲，不過他身體已經非常健魄，經常跟「精裝明星足球隊」成員四圍去踢波，即使日前受傷了微絲血管爆了，大脾出現大片瘀黑，不過叻哥輕描淡寫指踢波受害很常見，完全不當是一回事。

陳百祥輕鬆滑雪

除了踢波，叻哥近來更post出自己滑雪的影片，雖然已經75歲，多數人到了這個年紀，體力同平衡力已經大不如前，但叻哥依然可以應付滑雪這種高強度、高技術要求的運動，相信叻哥對自己體能管理非常嚴格，難怪寶刀未老！

陳百祥接受安樂死

除了身體機能，心態也是一個人保持年輕的重要因素。陳百祥人生閱歷豐富，經歷過嚴重燒傷意外，看淡生死。他曾拍片透露談及安樂死，態度開放，「安樂死係你嘅生命掌握你手裏，只要我今日唔高興，我咪安樂死囉！」陳百祥坦言，對生老病死看得很開，「第一我上無高堂，下無仔女，我冇咩牽掛。第二，我覺得生老病死係唯一一樣嘢，你控制唔到。你想病就病呀？你想死就死呀？」陳百祥直言，無法控制出生變老和身體變化，「好似我呢啲老得嚟，冇老花、冇甩頭髮，你控制到咩？」