「金句王」黎明（Leon）魅力依然！一連十場的紅館盛事《黎明 LEONLAI ROBBABA 紅館演唱會2026》日前晚（31）正式落幕完滿結束。尾場Leon以幽默方式呼籲歌迷補充「維生素」: 「肉麻說話我就唔講，Good Luck，我知道好多人聽日都會返工，遇到任何問題開心面對，就快夏天、回南天、落雨天，望住紅蘿蔔提醒自己食維生素啦。」

舞台幕後親歷黎明專業魅力

肥仔@ERROR今日（2/4）現身荃灣出席匹克球挑戰盃，接受《香港01》訪問時透露，早前參與黎明演唱會排舞的感受。他表示這次合作獲益良多，尤其是能近距離感受到黎明的專業與魅力，更稱讚黎明的「金句」非常有震撼力。

被金句震撼

肥仔表示：「黎生金句真係好勁，佢真係喺我面前講過『fatboy明就明，唔明就唔明』佢講完都震撼到我，我覺得黎生份人係有佢道理，同埋我意想唔到係佢送紅蘿蔔嘅原因，得佢夠薑喺台上面講嗰啲咁嘅嘢，所以我真係好尊敬佢。」