鄧兆尊近年一直被身家的話題圍繞，不過憑著其高EQ與抵死的回應，獲得網民一致讚賞，人氣愈來愈高。鄧兆尊除了與吳家樂主持網台之外，亦有跟隨「明星足球隊」到處踢波。日前有網民在高鐵站遇見鄧兆尊入閘並拍片放上網，雖然貴為「娛圈太子」，不過鄧兆尊一樣咁親民，臨走前仲同該網民揮手bye bye。

每年畀一房女友幾十萬

早年有傳鄧兆尊在多年前對簿公堂後，獲得父親的15億身家，就算不工作不拍戲，支撐「三頭家」屬輕鬆平常事。鄧兆尊曾承認每年一房女友給5、60萬家用，形容為「長期合約」。

身家有幾億物業

講到鄧兆尊的身家，他曾接受好友梁思浩訪問時，坦言20幾歲前根本「唔知自己有錢」，因為求學時期還要打暑期工賺零用。直到讀完書返香港，有次爸爸祥哥透露想賣掉賭場股份，他才恍然大悟：「吓，原來有關係嘅？原來係賭場股份，我先發覺原來都幾有錢㗎喎。」至於實際身家有多少，鄧兆尊自己也不知道實數：「你話幾億連物業乜嘢都有嘅，現金唔係好多...之類啦。」