《中年好聲音4》戰況進入白熱化階段，參賽者鄭家聲憑藉紮實的唱跳實力備受注目。然而，近日有網民發現鄭家聲已被列入即將在內地舉辦的演出宣傳海報上，爆出尚未完賽就與TVB合作出Show，因而質疑他是「三甲內定人選」。

鄭家聲笑言「差一分出局點會係內定」

對此傳聞，鄭家聲在接受《香港01》訪問時作出回應，親自拆解網民疑慮。鄭家聲坦言自己事前並未留意網絡上的相關討論，直至受訪時經提起才得知此事。對於被指是「內定三甲」，他笑言如果真是內定，自己就無須在比賽中經歷如此驚險的過程，甚至差點在淘汰邊緣險勝晉級。

親解Live Show不可能作假：走音全世界即時聽到

談及網民關注的內地演出宣傳海報及賽果疑雲，鄭家聲笑言：「其實網上我真係冇睇呀，反而係頭先有記者訪問提過，我先至知道嘅。嘩，如果係內定，我咪唔使慢慢緊貼第7名先至入到嚟？嗰陣分分鐘差一分就出局，好險㗎！如果真係內定嘅，我咪唔使咁驚，早啲話我聽個心仲定啲添！」

不受外界聲音影響 預告快歌環節全力以赴

鄭家聲又指不可能內定的原因：「大家唔好期待住先啦！因為始終係Live Show嚟㗎嘛，你冇得剪、又冇得Tune音，一Take過如果唱走音，全世界同一時間都會聽得到。如果到時真係唱得唔好但又要硬生生畀我勝出，咁樣實在太明顯啦，我覺得根本冇可能做到囉！」