汪明荃回應叻哥嘲TVB淪細公司:佢講嘢風格有幾多人信呢

撰文:薯條
出版:更新:

陳百祥(叻哥)近日連番向舊東家TVB開火,先指籌款節目「請唔到大卡士」要靠他「碌人情卡」救亡,其後更狠批TVB市值僅剩9億淪為「細公司」,連其司儀人工都「畀唔起」。無綫踏入59周年台慶之際,汪明荃(Liza姐)接受傳媒訪問時大方回應陳百祥言論。

陳百祥寸爆TVB市值剩9億。(盧振輝攝)
無綫電視(TVB)59周年台慶節目將於11月19日(星期四)舉行。

Liza姐力撐TVB代表本土

被問到如何看待陳百祥形容TVB是「細公司」及市值跌剩9億,汪明荃從地區與市場角度冷靜分析,認為不能單純與內地大型媒體直接比較,並直言:「睇下佢點樣嘅意思囉。全個中國嚟講,我哋都係其中一間公司啦,而家好多內地咁大嘅媒體啦,但係喺我哋香港本土,佢就係大公司㗎啦。」她強調作為香港人,TVB依然具代表性:「我就覺得即係你用個地區嚟講,但係作為香港人,我覺得呢個係代表我哋本土嘅電視公司。」

汪明荃霸氣回應陳百祥狠批TVB淪為9億「細公司」。(資料圖片)

回應「請唔起大卡士」 讚新人獨當一面

至於陳百祥直指TVB現時「請唔起大卡士」,汪明荃則指出電視台一直致力培育新血,更點名力讚後輩表現成熟:「我哋有好多新人㗎嘛,年年有好多新人,最老資格都係我呢一個啫。我覺得都要換新人嘅,我哋好努力咁培養好多囉,好似你今晚好多司儀都係新人上嚟㗎啦,Mayanne(麥美恩)嗰啲都做咗好多年㗎啦,佢哋而家好多可以獨當一面呀。成為一個偶像當然唔係咁容易啦,但係我都捱咗就嚟六十年啦,大家努力囉。」

汪明荃指TVB新人輩出。(資料圖片)

拒致電勸陳百祥收口:有幾多人信呢?

被記者追問會否親自致電老拍檔叻哥,勸他不要經常「亂講嘢」,汪明荃聞言即大笑表示無此打算,隨即以一句反問霸氣拆彈:「唔會啦,佢講嘢個風格呀嘛,有幾多人信呢?係咪呀?」