【有片】沙律3日修身大法Lesson 1
撰文：何志衡
出版：更新：
張沛樂由今日起一連3日教大家keep fit。（黃國立攝）
過年放幾日假，唔飲飲食食就笨，不過你有福之餘肚腩亦發福，有冇方法在家做幾下運動就可以燒脂，到開年返工同事都唔發現我肥過呢？當然有啦！張沛樂（沙律）唔止有樣有身材，玩健身亦好厲害，由參加《美選D.n.A》之前已狂鍛鍊體能，最近更報考了健身教練牌照，由她教大家keep fit當然好理想。
沙律更親自設計了3天修身大法及拍攝示範短片，而且唔使去健身室，在家中簡簡單單就做到。
第1天她會教大家HIIT（高強度間歇訓練），聽個名好似好難，但其實非常易做，沙律叫大家放心：「全部都係踢踢腿、跳跳下就可以收腹、瘦腿，每個動作只需做45秒，休息10秒後做下一個動作，循迴做3次就夠。」真係咁易？
每個動作只需做40秒，休息10秒再做下個動作便可。（黃國立攝）
沙律明白很多人懶去健身室，所以設計了一套在家中就能健身減肥的運動。（黃國立攝）
張沛樂已申請做健身教練，亦希望有機會成為動作演員。（黃國立攝）