男神廚房｜評判陳曉樺來頭超猛 曾到法國皇宮實習為總統下廚
撰文：林迅景
出版：更新：
無綫新節目《男神廚房》可稱秉承了《美女廚房》的優點，除了有Do姐鄭裕玲和王菀之做主持外，每集也有三位嘉賓上場為大家炮製「美食」，唯一不同之處就是美女變「男神」。以前《美女廚房》有周中和阿Kit兩位廚師擔任專業評判，今次一樣有！其中一位廚師陳曉樺（Hilda）還曾經跟過不同的米芝蓮大廚學習，到過法國皇宮實習為法國總統下廚，夠晒資格！
陳曉樺（Hilda）為《男神廚房》擔任評判。（葉志明攝）
陳曉樺接受《香港01》訪問時，表示為男藝人的廚藝而驚訝：「原來佢哋有好多秘技！原來佢哋隱藏咗好多，呢個節目睇到好多嘢。」她自言，早年曾到不同地方或者國家學習廚藝，直到最近才回到香港：「我已經冇做廚房一段時間，而家做緊pop-up。」
Hilda喺法國皇宮實習過一段日子。（IG@hildas.thyme）
不過，其實陳曉樺的經歷也毫不簡單，幾年前因為爸爸離世後就決定去追夢學廚，學成就繼續到處遊歷見識，跟不同的米芝蓮大廚學習：「我仲去過法國皇宮實習，好好彩有機會參與好多國宴級活動，都係喺烹飪路上好好嘅經驗。當時好好彩，法國總統真係住嗰度，我哋每日就係煮畀佢同佢身邊嘅人，一日兩餐咁，不過喺嗰訪做過好短時間，因為香港有地方搵咗我做主廚，所以我就要趕返嚟。」
《男神廚房》（葉志明攝）
陳曉樺（Hilda）真係幾靚。（葉志明攝）
+10