【北京．住宿】長城烽火台改裝民宿 有機會你住唔住？
撰文：陳詩雅
出版：更新：
成日話「不到長城非好漢」，Airbnb就為好漢們諗到個好點子，就係將北京萬里長城其中一個烽火台改裝成特別搭建房間，並在投稿比賽挑選出4名勝出的參加者，試住這間好漢民宿體驗，在長城上看一晚錦繡山河。不過留意返，入住時間是下午5時至7時，雖然只有2小時住宿時間真係唔夠喉，但同朋友講住長城喎，真係氣派一流。
這個由Airbnb推出的「奇屋一夜 -- 長城之上」（Night at The Great Wall）活動，會挑選四名得獎者在今年9月4日至8日當中一日，入住在長城上特別搭建的房間。就咁睇Airbnb官方發佈的片段，見到房間擺設都幾浪漫，有齊梳化、餐檯，最靚就係可以望上星空的木床，環顧長城四周氣勢磅礡。
可以慢步走上長城烽火台民宿，真係有啲發夢feel。(官方Youtube截圖)
按下圖睇更多長城民宿室內照：
+1
而其實Airbnb的「奇屋一夜」體驗不只在長城，曾經在其他特別的地方如大堡礁、泰晤士河、德古拉城堡等等舉辦過試住活動。就今次揀選的萬里長城而言，引起很多愛護歷史文化的網友擔心改裝成旅館是否會破壞古蹟；但Airbnb就指是已獲當地政府和及地區旅遊部門支持，承諾不破壞長城面貌及破壞文物。另外官網亦強調「既然您已入住長城，把這裡當作了您的家外之家，協助保存與維護長城的文化遺產對您來說想必是義不容辭吧！」，冀望有機會入住的遊客能夠愛惜文物。
鳥瞰角度望烽火台真係好靚。(官方圖片)
奇屋一夜 -- 長城之上
截止參加日期：2018年8月11日晚上11點59分之前上載文章
參加條件：須年滿21歲人士，並來自中國大陸、港澳臺、美國、英國、印度、日本、韓國、澳大利亞、德國、意大利、西班牙及法國國藉居民。(需流利使用中文、英文、法文、日文或韓文遞交文章)