蒸魚無鑊蓋 女友用錫紙包魚「蒸極唔熟」 連登仔：當場暈咗喺度
撰文：向樂高
出版：更新：
所謂創意料理，不外乎帶來兩種效果──驚喜或驚嚇。一名網民日前在連登討論區發文，指女友親自下廚蒸魚，但礙於家中沒有鑊蓋，男網民遂教女友用錫紙代替鑊蓋，隨後便前往打機未有理會。詎料等了良久，女友前後兩次向他求救指條魚「蒸極都蒸唔熟」，男網民到廚房一看，竟發現女友用錫紙包着整個盛載魚的碟，而非用錫紙包着蒸鑊，令男網民大表吃驚，「當場暈咗喺度」。網民見狀紛紛留言表示女友創意無限，不過「咁搞法煲乾水燒埋間屋都未知咩事」，建議他們下次可改用電飯煲蒸魚。
連登仔上載女友蒸魚奇觀，指她用錫紙包着整個盛載魚的碟，難怪「蒸極都蒸唔熟」。（網上圖片）
網上流傳的暗黑料理及特別的煮食技巧：
+34
一名男網民昨晚（15日）以「今日女朋友蒸咗條魚」為題，在連登討論區圖文並茂分享女友的蒸魚奇觀，他表示女友為報答他經常下廚，昨日主動提出由她操刀蒸魚，不過男網民指家中沒有鑊蓋，提議女友「用錫紙冚住嚟蒸都可以」，說罷男網民便一邊打機一邊等「開飯」。
女友的創意料理，嚇到男網民「當場暈咗喺度」。（網上截圖）
過了一會，女友向他求救，指條魚「蒸極都蒸唔熟」，男網民解釋屬正常，因起碼需時10至15分鐘，之後他繼續打機未理會。直至打完機後，女友再次向他求救，他到廚房查看後，竟發現女友「用錫紙包着條魚，而唔係個鑊」，相中所見，盛載魚的碟子連魚被錫紙包着，而鑊中仍剩下不少水。女友的創意料理，令男網民相當無奈，甚至坦言「當場暈咗喺度」。
+1
網民見狀紛紛留言笑指「女友」是「廚藝高手」，「慢煮嘅嘢你識條鐵咩」，又建議他們下次可改用電飯煲蒸魚，亦有網民安慰樓主，「起碼佢係包住個碗（碟），唔係包住條魚」。另有網民擔心「女友」會火燒廚房，「咁搞法煲乾水燒埋間屋都未知咩事」。
（連登討論區）