帶B媽餐廳大聲播卡通遭投訴 食客好言相勸唔聽 大叔怒喝即認衰

撰文:喬納森
出版:更新:

不少家長容許孩子食飯睇片,外出用膳隨時嘈到人引發爭拗。有網民稱日前餐廳食飯時,有港媽帶同約一歲孩子,其間大聲播卡通,事主好言相勸沒料被港媽鬧「黐線」,囂張回應「望咩望…係鍾意咁大聲」,結果有大叔忍無可忍爆粗大罵,港媽即認衰調低聲量。網民笑言「今次真係『誰大誰惡誰正確』」、「潑婦原來都怕爛佬」。

小朋友喜歡看卡通片,不少家長在食肆餵子女食飯時,都會用手機播放,希望他們會乖乖食飯。(GettyImages/視覺中國)

下載「香港01」App ,即睇城中熱話:https://hk01.app.link/qIZYuEC5LO

【周五心意運動】您捐一封$50利是,已可為基層送上溫飽,01心意呼籲您支持【食德好】,每$50可為12個家庭提供一餐回收蔬果及食物

有網民日前投稿至facebook專頁「生仔要考牌系列」,指早前到餐廳用膳,附近食客是帶同年約一歲孩子的媽媽,對方為孩子大聲播放卡通片,「聲音範圍係附近5張枱內嘅人都聽到」,連侍應經過都皺眉頭,部分食客拿出耳筒塞耳避聲,但樓主及其他食客被迫忍受嘈音。

樓主指他忍無可忍,平心靜氣細聲要求該母親「可唔可以有返啲公德心,真係太大聲」,對方立即反駁「做咩話我小朋友啫?有阻到你嗎?」樓主解釋「唔係話你小朋友,我係話緊你播片太大聲,請你較細聲少少」。

這名港媽又向侍應怒吼:「我唔要坐呢度,啲人都黐線㗎,我播片關你咩事?我係鍾意咁大聲呀。」樓主指其實全場早因其卡通片聲量而注視港媽,但對方仍然死撐「你哋個個都無仔生㗎,小朋友要睇就要睇㗎啦,你哋班人望咩望,我係要較咁大聲呀,侍應我要轉位坐」,侍應無奈安排這對母子轉位,而她亦繼續大聲播片。

Peppa Pig是近年深受小朋友歡迎的卡通片。(Twitter@Peppa Pig Official)

轉位後輪到一名健碩阿叔受騷擾,他拒絕再忍大聲狠批:「八婆,你咁X大聲仲乜X呀?你撞聾定搏X呀?」這次港媽不敢再死撐,即時認衰調低聲量,同場人士都為她前後不一的行為偷笑。

這則帖文引起多名網民讚好,紛紛留言指「潑婦原來都怕爛佬」、「抵死!呢啲人就係要畀人鬧先至怕!明明樓主好聲好氣同佢講聲音細聲啲,都唔肯仲要鬧人,轉咗位之後仲以為可以繼續大聲,點知就比人鬧!」

(fb專頁「生仔要考牌系列」)