麻煩客試食要細細嚿 店員搵唔到畀大件即鬧爆:你態度差唔畀我試

撰文:李納德
出版:更新:

不少店舖都設試食攤位,自然能吸引更多顧客。有一名食品零售業員工大呻,有顧客在店內試食時,夾硬要職員拿一個「細細個」的給他試食,其同事找不到較細件的,就提議給他大件,豈料該客人大怒鬧爆「我都話要細嚿」,甚至指責同事態度太差,「係咪試你少少野都唔得呀」,又揚言要投訴。撰文者指同事其後真的被投訴,馬上心諗「成隻畀你食你又唔高興,真係痴孖筋」。網民抵死稱如果客人如此執着要細件,「你咬一啖比一啖佢囉,幾sweet」。

不少店舖都設有試食。(示意圖/資料圖片)

下載「香港01」App ,即睇城中熱話:https://hk01.app.link/qIZYuEC5LO

一名相信是食品店經理的網民在facebook群組「西客之道 Hispitality Secret」發文,稱店內有提供無包裝食品給客人試食,早前有客人在門口經過想試食,向同事示意其中一款食品,要求要「細嚿」試食。其同事發現剛好沒細件的,客人卻再說「你是但畀嚿細細哋嘅我試下咪得囉」,同事只能再向對方解釋沒有,對方拒絕接受只不停重申要「細嚿」。

無奈下經理指其同事給客人遞上完整一件試食,豈料對方發難:「我都話要細嚿咯。」同事好聲好氣回答「食一嚿都一樣啫,成嚿食仲好啦」,對方卻如被引爆的炸彈:「你而家咩態度呀,而家試你少少野都唔得呀? 我成日嚟幫襯你,係得你咁衰㗎咋。」繼而衝入舖內拿卡片,說要投訴。

經理指該名客人更即席拉着在店內的他,指着其同事投訴對方態度差,「我想試食,佢唔畀我試仲話我呀」。客人又狂重覆「要嚿細細哋」,批評同事「鬼食泥咁」,又重申自己係熟客半威脅稱「即係迫我以後唔好嚟幫襯你哋啫」。

經理稱其實根本認不出這名「熟客」,只能先說要先了解一下,因店內客人眾多,這名麻煩客其後被人潮推出店外。

隔了一會,經理即收到總公司打來的電話,叫他去另一間分店處理一宗投訴,提到有名客人稱被同事鬧,而且不讓人試食,更稱站在門口5分鐘都見不到經理。他聯想到應是該名麻煩客,遂向總公司職員解釋對方搞錯了要投訴的分店,以及剛剛發生何事。

經理在帖文笑言該客人有被害妄想症,明明同事已經給他一大嚿試食,竟然還要投訴,「真係咁啱無爛咗㗎嘛」。

網民大嘆不少客人很難服侍,「畀細粒嘅,有啲又個嫌畀得少,話你孤寒,而家成舊咁畀又嫌多,使唔使畀你揀邊粒呀?」甚至有人提議應該取消試食,就不怕有麻煩出現。

(fb群組「西客之道 Hispitality Secret」)