停課不停學 | 直播上堂時阿媽亂入叫拖地 男老師:班細路靜咗3秒

撰文:向樂高
出版:更新:

雖然受新型冠狀病毒肺炎疫情影響,很多學生都停課,但停課不停學,老師仍會以直播和利用網上平台等方式繼續教學,不過日前一名老師直播時發生了一件尷尬事,就是老師的媽媽突然亂入叫他拖地,還斥責他「又對住部電腦打機!」,更被全班的學生透過直播聽到,十分搞笑。

該名老師表示日前開直播教書時,其母突然衝入他的房間,打開門大嗌:「叫你拖地你拖咗未呀!?又對住部電腦打機!」。圖為示意圖。(資料圖片)

下載「香港01App ,即睇城中熱話:https://hk01.app.link/qIZYuEC5LO

該名老師在 facebook專頁「老師心聲」上發文,表示日前開直播教書時,其母突然衝入他的房間,打開門大嗌:「叫你拖地你拖咗未呀!?又對住部電腦打機!」

樓主當刻想馬上靜音,但已經太遲了,他指學生都一時反應不來「成班細路即時靜咗三秒,嗰三秒感覺好似三分鐘咁耐」,樓主更感覺「人生嘅走馬燈喺面前出現」,然後看着直播上課的學生全班同時爆笑。

雖然情況尷尬,但樓主慶幸他們是高中學生,比較明事理,笑了不久就繼續上堂,落堂時還有同學好心提醒:「阿sir快啲去拖地喇,byebye,哈哈哈哈」。樓主直言這次經驗讓他「心理陰影面積無限大」,提醒其他同行「奉勸大家,喺屋企同學生開live之前記得同屋企人講聲!」,切勿讓悲劇重演。

帖子引來逾3000個讚好,不少網民指同學不會介意,「都係一個有趣啲回憶嘅,等啲小朋友知道唔係得自己屋企有伏」、「老師都係人啫,平日同學生玩得埋好重要」、「阿sir嘅可愛指數應該上升咗兩倍」,亦有老師都有同樣的煩惱,「我擔心個仔會衝入黎,佢得2歲」。

停課不停學,師生在家直播上課時的尷尬事。(01製圖)