有心還是無意？有打工仔於網上發文分享，同事在「Last Day」 （最後工作天）送了月餅作散水餅，他吃了一大口後才驚悉並非「人類食物」，而是毛孩吃的寵物月餅。同事雖聲稱「買錯」，但樓主質疑同事有意為之，笑稱「懷疑想笑我返工似狗」。

帖文引來熱議，網民直言「你確定係買錯？」、「可能冇買錯」、「個錯字有啲保留」、「唔使懷疑啦」、「好大仇口喎」、「有啲嘢都無謂講出口」、「我屋企隻狗食剩所以派畀你」、「望落去好似有啲發霉？」。

該打工仔於Threads發文分享事件，表示「同事last day買錯狗糧，唔小心食咗，懷疑想笑我返工似狗」。照片見到，手提電腦前放有1個咬了一大口的月餅，月餅表面有灰黑的顏色。

同事散水餅送寵物月餅　事後稱「買錯」

樓主另分享1張宣傳海報，顯示該件月餅實質是由寵物店和蛋糕店合作推出的寵物月餅。翻查寵物店宣傳帖文，樓主收到的是紅菜頭味，而寵物月餅價錢並不便宜，兩件禮盒裝售128元，即樓主收到單件月餅，價值也達64元。

網民：大家都係打工狗

帖文引來網民爆笑，直言樓主同事確實有用意，「大家都係打工狗」、「一日返緊工，一日都係狗」、「佢離職但你仲要翻工做到成隻狗咁，好同事」、「可能佢別有用心咁買，仲黑瞇擝咁樣，好用心咁一早買定，然後擺咁耐之後先畀你，你平時對佢點㗎」、「你很X嗎？為何這樣對你」、「last day先係報仇時刻」。

有網民就笑言，「10月尾last day整舊寵物月餅咁趣致」、「係同事隻狗收太多月餅食唔晒所以分啲畀你哋咋」、「笑咗，好唔好食？高級狗餅喎」、「聽聞狗食物會更加健康，所以應該冇問題，只係唔知好唔好食」、「你仲咬了，係咪可以潔齒功能」、「話晒都貴嘢嚟」、「肯畀錢買呢個牌子都算唔話得，好過買偉嘉（貓飼料品牌）畀你哋食啦」。

（Threads@marcuswonggggg）