客人要求食品如走醬或走肉，麥當勞會按個別需求特製。有女網民在網上發片，指在麥當勞外賣了一個「走醬」的魚柳包，回家竟發現驚喜連連，她先覺得魚柳包外貌出奇地「高咗」，打開見到原來有一大疊芝士在魚柳上，覺得十分搞笑。不少網民笑言，「見你走醬，俾返多啲芝士你抵啲」、「將全日走芝士嘅order去晒你度」。

有女網民在Threads上發片表示「笑死我」，指在麥當勞買了個走醬的魚柳包，打開包裝盒後覺得有異，「點解個包高咗，然後一睇，畀咗勁多芝士片我。咩事，雖然我中意食但係都唔使畀咁多我」。

魚柳包「高咗」 打開竟是一大疊芝士

帖文引來不少網民留言，「M記嘅特製真係每次都有驚喜呢，將全日走芝士嘅order去晒你度」、「我思疑執餐的人愛上你了」。有人則笑稱，「做包嗰位：拆唔開呀X」、「遇着個啱啱俾人炒又心地好嘅員工」。

樓主食後感：有啲鹹

有人建議「攞去叮一叮，啲芝士溶溶地應該好正」，樓主回應初時以為「好着數」，誰知吃了一啖卻發現「有啲鹹」。