有時只要做多一步，社會變得更加美好！大埔有1名媽媽在網上表示，最近和兒子返學，改搭路線K17的港鐵接駁巴士，平時朝早繁忙時間已有港鐵職員幫手「睇排隊」維持秩序，有次正在下雨，職員在巴士車門開傘，避免乘客淋雨，令到母親大讚「呢個舉動係落住雨嘅情況下真係抵讚，加油！」。

圖中可見，職員上車後站在車門位置開傘，1名長者先上車，然後轉身，和尚未上車的老人家合力搬買餸車上車。

網民︰呢個哥哥仔好細心

帖文引來許多網民留言，「每日都搭K17送返學，呢個哥哥仔好細心」、「做得好」、「要加佢人工啦」、「起碼都要向港公司表彰佢」。

接駁巴士為大埔居民提供快捷往返東鐵綫服務

路線K17的港鐵接駁巴士往來東鐵綫大埔墟站至富善邨，只於星期一至六的早上至晚上繁忙時段提供服務，為大埔居民提供快捷往返東鐵綫的服務，途經新達廣場、大埔中心第五期和怡雅苑。

（facebook群組「大埔 TAI PO」）