Alipay過數轉錯錢!港男誤轉逾千元大額 的士司機即退款獲讚誠實
【AlipayHK/支付寶/的士】根據運輸署規定,由2026年4月1日起,的士司機必須提供至少一種二維碼電子繳費媒介,和一種非二維碼電子繳費媒介讓乘客繳付車費,違例者最高可被處罰款5,000港元及監禁6個月。有港男在網上群組發文,指日前需要轉帳時,誤將逾千元錯轉至較早前曾搭乘的士、繳付司機車資的帳號,他發現「轉錯數」隨即再轉帳1毫子,同時備註「我唔小心轉咗一千蚊畀你」,幸好獲對方退回款項,方未有任何損失。
有網民欣賞司機不貪心,「好難得有咁誠實嘅的士司機 」、「祝佢生意興隆,事事順利」,但亦有留言分享類似錯誤轉帳的經驗,認為樓主實屬幸運,「我都轉錯過好睇對方品格,我就自己食咗―次,銀行幫唔到你」。
該港男在facebook群組「的士司機交流站」發帖並上傳2張截圖,求助網民「想問下有冇人會識呢個的士大佬,頭先轉錯咗錢畀佢,想搵返佢出嚟」。
Alipay轉帳過錯錢! 港男誤轉千元大額予的士司機
樓主透露於11月7日搭乘該司機駕駛的士,從截圖可見,估計他當時是以AlipayHK(支付寶香港)繳付車資,相信因為應用程式留有紀錄,當樓主於15日需要轉帳時,錯誤轉帳1,004.4元至該司機的帳號。相隔約2分鐘,樓主發現自己「轉錯數」,便再次轉帳1毫子,且留下備註「我啱啱唔小心轉咗一千蚊畀你」,請求對方若然看到訊息,可以致電他留下的電話號碼以便聯絡。
的士司機即時退還款項 網民讚誠實
樓主事後在留言區感謝網民關心,表示該司機看到備註訊息後,已即時退回該筆款項,不少網民大讚司機不貪心的個性:
「佢真心好人!」
「真係值得表揚」
「好難得有咁誠實嘅的士司機,因為太多人一直以為的士司機都係貪婪之徒,但好明顯呢個司機嘅人格唔止一千蚊咁少,亦都唔會拾遺不報」
「祝佢生意興隆,事事順利」
樓主取回款項屬幸運? 網民分享慘痛經歷
惟有留言認為樓主能取回款項實屬幸運,「我收到的話會覺得係騙案, 唔會睬你」、「轉數前都有聲明冇得追究」、「我都轉錯過,好睇對方品格,我就自己食咗一次,銀行幫唔到你」。